Case 13: Mr. Palengke

Hindi ito tungkol kay Mar Roxas. Unahan ko na kayo.

Dahil may 2 days off ako (diba nago-off kahit hindi nagtatrabaho) e nautusana ako ng nanay na samahan siya sa palengke. Naalala ko lang nung bata pa ako, na bago kami magpunta sa palengke e sinasabihan na kami ni nanay na “WAG KA MAGTUTURO, IIWAN KITA DUN” sabay dilat ng mata. Hahaha Syempre ako naman e takot na takot, kaya bawal magturo. May time na nagturo ata ako at sang katutak na palo nakuha ko sa nanay ko nuon. Hehe

So, ayun kanina e sinamahan ko siya ulit sa palengke. Nakakatuwa lang. nandun pa rin yung mga dating tindahan. Meron dung tindahan ng pabango. Nakaaircon pa sila at may binibentang mga lotion, pabango at anik-anik. Nandun pa irn yung nagbebenta ngmga school supplies, sa sobrang laki ng kinikita niya ata e dati isang maliit na stall lang siya ngayon 3 na ata sakop nya pati yung tapat na stall nakuha na rin.

Tinanong ako ni nanay kung ano gusto kong tanghalian. Sinabi ko lang basta gulay masaya na ako. Nagtuturo siya kung gusto ko ng alimasag o sugpo. (todo deny naman ako na ayaw ko e, gustong gusto ko naman. Baka mapalo ako pag nagturo e, haha). Nagturo sya ng isda, bisugo, tilapia, bangus, pesa, tinanggihan ko dahil hindi naman ako mahilig kumain ng isda lalo na yung matinik. Hindi sa ayaw ko sa isda, tamad lang ako magkurot. Haha kaya Albacora lang kinakain ko. (albacore name nya or Longfin tuna) sarap n sarap ako dyan, sinigang o prito solve na ko. Hehe

Di nawawala yung makasalubong ng nanay ang mga amiga o ex-coteachers o co-retired teachers nya. todo benta ang nanay sa pagbalandra ng kanyang anak. haha. Para akong baboy lang na binebenta na P160/kilo. (sabagay mukha naman akong baboy)

Ayun lang naman, nakauwi kami ng walang nabiling gulay, saya lang diba? :)