Ngayung lingo na to ay napasabak at mapapasabak ako sa tatlong yan. Tapos na rin ang exam week kaya karir naman ako sa pagblog ngayun. hehehe
Sa pagiging estudyante, mejo nakakapagod na rin pala. Puyatan, matutulog ng alas dose ng madaling araw tapos magaalarm ng alas dos o alas tres ng madaling araw din. Minsan hindi na nga ko nagigising. Pinakamalala ko na yung last week. Natulog ako ng ala una at sabi ko gigising ako ng alas quarto. Hindi ako nagising. Alas siete na at trenta minutos na lang at exam ko na nun. Buhay nga naman. Pero sabi ko oks lang yun. Pagod na talaga siguro ako. Minsan di ko maiwasan na magisip kung tama pa ba ginagawa ko? Wala munang diet diet habang nageexam. Pagkatapos na pagkatapos ng exam kahapon e dali dali akong nagpunta sa Trinoma at nagpagupit. Buti naman at nakapagrelax kahit papano. Sana maging ok sang mga resulta. Worth pa kaya lahat ng sacrifices ko dito sa med school?
Ninong naman ako sa biyernes, nung December kasi hindi ako nakadalo sa binyag ni inaanak. Yung tropa ko nung kolehiyo kinuha akong ninong nun. Aaminin ko sa inyo na pang 4 ko pa lang na inaanak yun. Supladito kasi ako. Epektib naman kasi wala masyado kumuha. Heheh. Diba bawal pa tumanggi? Yung una kong inaanak e di ko na alam kung nasan. 12 pa lng ata ako nung naging inaanak ko yun. Tapos yung isa nasa Paris, musta naman, panu ko yun reregaluhan. Yung isa e sa tropa ko dito sa med school. Inaabut abutan ko na lang. Kaya etong huli, kaka birthday lang nung August 28. At dahil nga hindi ako nakapunta nung binyag at ng birthday e todo effort si ninong magregalo. Hehe. napagastos ako sa gift at iniisip ko pa kung maglalagay pa ko ng pera. Kinukulit ko ang sales lady sa isang boutique na pambata at sabi ko wala bang student discount yan. Di ko masabi kung ano pakiramdam na bumibili ng regalo na pangbaby. Iniisip ko rin kung anu iniisip ng sales lady. Baka sabihin e tatay na ko. Haha. Minsan iniisip ko na rin magkababy. Anu nga kaya pakiramdam? Hehe
Sa Sabado naman e kasal ni insan. Nasabi na nya sakin nun na abay ako. Bunso kasi siya sa magkakapatid, maging yung mapapangasawa nya ay bunso din kaya lahat ng abay ay bunso. Kulit diba? Hehe. Pero last Monday lang naipamigay ang invitation at akala ko ay hindi naman talaga ko kasali sa entourage. Pero nagtext ang nanay ko at sinabing iuwi ko daw ang black shoes ko this weekend dahil aabay nga. Natext ko tuly ang nanay ko ng “ho my, I’m not prepared.” hahaha. ipapakita ko ba pics ko na nakabarong sa susunod na post? hmmm... hehe
