Case 11: Lola Ingay and Lola Ching

Spend the lunch today visiting my 2 lolas.

Natutuwa ako sa 2 lola kong to. Dahil kahit may katandaan na e malakas pa rin sila at makikita mo kapag holiday season na sobrang saya nila. Nakikita na kahit papano kumpleto ang pamilya.

Tradisyon na kasi namin na dumalaw sa kanilang dalawa sa unang araw ng taon. Una, si lola ingay, nanay ni tatay ko. Medyo may kahinaan na ang tenga pero mahilig syang magbiro. Mahilig din makipaglaro sa mga apo nya sa tuhod. Akalain mo dati rati kami ang inaalagaan nya pero ngayon yung mga anak na ng mga pinsan at kapatid ko ang nilalaro. natutuwa ako pag napagbabaliktad nya kami ng isa kong utol. nababaliktad nya ang pangalan namin. hehe

Si lola Ingay, 96 years old.

Pangalawa si Lola Ching, ang nanay ni nanay ko, dati nung bata pa ko medyo naiinis ako sa kanya kasi lagi nya kaming inuutusan. Taga hugas ng pinggan, taga luto, kung anu-ano pa. Lagi kaming nasa kusina (halata naman sa timbang namin) para magayos ngunit yung ibang pinsan ko e nasa harap ng tv, naglalaro ng kung anu-ano. Ngayon ko lang naisip ng tumanda na ko na malaki ang tiwala nya sa nanay ko at sa pamliya ko. Na kaya pala kami inuutusan nuon dahil alam nya na hindi sya mabibigo.

Si lola Ching, 93 years old.

Nagpapasalamat ako na binigyan pa sila ng isang taon pa at lagi kong hinihiling na sana maging maayos ang kalagayan nilang dalawa. Kahit na madalas ko silang biruin napamahal na ko sa dalawa kong lola. Malaki ang natulong nila para mapatapos kami sa pagaaral at hanggang ngayon e tumutulong pa rin sila. At humihingi ako ng marami pang taon para sa kanila. At sana Makita nila na nakatapos rin ako ng pagaaral.

Natuwa rin ako sa kanila dahil simple lang naman ang hiling nila. Yung makumpleto ang pamilya pag may simpleng pagtitipon.